ArtistInfo

Bepi & The Prismas

Band, IT
Electronic, Rock, Blues, Folk and World
A.k.a. Tiziano Incani

Ol Bèpi l’è ‘l nòm d’art del Tiziano Incani, cantànt bergamàsch che l’è nasìt a Lùer ol 2 de Zögn del 1974, ma che l’è de Ruèta. L’è ü cantànt che l’ canta quase sèmper ‘n Bergamàsch ‘nsèma ai The Prismas che l’è la band che la tiràt ‘n pé lü. De sólet l’è tiràt ‘nsèma con ü capèl e di estìcc da cowboy, ‘mpó country, e fina al 2008 l’ gh’éra öna lónga peröca bionda. Ol Bepi l’è legàt al mónt del fübal e ‘n particolàr de l'Atalanta, isé tate sò cansù i parla de chès-ce argomèncc e de spès l’è ‘n tv per parlà pròpe de balù e per fà la telecrònaga de la partida. I sò cansù i parla de la éta de töcc i dé, de la zét de la sò téra, compàgn del Falch Saoldèl, e i sirca de fà grignà sènsa ès mai volgaròte; de spès i è di cover de cansù pròpe cognuside, compàgn de Maledetta Primavera de la Loretta Goggi che l’è dientàda la cansù Massimo Carrera dedicada al ex zögadùr de l’Atalanta, ma gh’è di cansù scricie töte de lü compàgn de Coston Beach che l’è öna di so cansù piö cognuside.