ArtistInfo

Ingibjörg Þorbergs

Band,
Pop
A.k.a. Ingibjörg Kristín Þorbergsdóttir

Ingibjörg Kristín Þorbergsdóttir. Icelandic. Ingibjörg Þorbergs (25.10.1927) er án nokkurs vafa eitt af stóru nöfnunum í íslenskri tónlistarsögu, hún hefur sungið og samið fjölda þekktra laga og texta sem komið hafa út á ótal plötum, hún hefur átt þátt í að móta íslenskt útvarp með tilliti til barnaefnis og ekki hvað síst í að varða leið kvenna í íslenskri tónlist með framlagi sínu. Ingibjörg Kristín Þorbergsdóttir fæddist í Reykjavík haustið 1927 og snemma varð ljóst að tónlistin var henni í blóð borin, hún var af tónelsku fólki komin og var aðeins níu ára gömul þegar hún samdi sitt fyrsta lag. Ingibjörg byrjaði snemma að syngja, var t.d. í Sólskinsdeildinni sem var barnakór og starfaði á fimmta áratug síðustu aldar. Hún söng einsöng í útvarpinu aðeins tólf ára gömul en þá var hún þegar farin að læra á hljóðfæri. Hún lærði bæði á gítar, orgel og píanó en lagði síðan stund á klarinettuleik og varð fyrst íslensk kvenna til að ljúka einleikaraprófi á blásturhljóðfæri, og reyndar fyrsti Íslendingurinn til að ljúka prófi á klarinettu. Aukinheldur lærði hún til tónmenntakennara.

Members

K.K. Sextettinn