ArtistInfo

Leikfélag Reykjavíkur
Litla Hryllingsbúðin

Album IS 1999 on Skífan label
Soundtrack (Musical)

Litla hryllingsbúðin er söngleikur eftir Alan Menken (tónlist) og Howard Ashman (texti). Söngleikurinn, sem byggður er á samnefndri kvikmynd frá árinu 1960 í leikstjórn Roger Corman, var frumsýndur í útjaðri leikhússlífsins í New York, í WPA-leikhúsinu 6. maí 1982, en 27. júlí sama ár var söngleikurinn sýndur í Orpheum-leikhúsinu í New York, sem svokölluð Off-Broadway sýning. Þegar sýningum var hætt, eftir 2209 skipti, hafði söngleikurinn fengið fjölmörg verðlaun og viðurkenningar og af söngleikjum sem sýndir hafa verið í lengstan tíma samfellt var Litla hryllingsbúðin í þriðja sæti. Tónlistin í Litlu hryllingsbúðinni er í anda sjöunda áratugar 20. aldar. Mörg þekkt lög eru í söngleiknum og þekktustu lögin á Íslandi eru eflaust Þú verður tannlæknir og Gemmér (í þýðingu Megasar). Einnig er vitnað í dægurmenningu sjöunda áratugarins, til dæmis koma fram persónur í söngleiknum sem heita Chiffon, Crystal og Ronnette, en þær heita eftir vinsælum hljómsveitum sjöunda áratugarins. Leikfélag Reykjavíkur var annað atvinnuleikfélagið sem sýndi Litlu hryllingsbúðina. Hún var sýnd á stóra sviði Borgarleikhússins, frumsýnt var 4. júní 1999. Að þessu sinni var það Gísli Rúnar Jónsson sem þýddi og staðfærði verkið, en áfram var notast við söngtexta Megasar. Sýningin var 468. verkefni Leikfélags Reykjavíkur. Sýningar urðu samtals 66 og sýningargestir urðu 29.603.[3] Leikstjóri var Kenn Oldfield. Leikarar í sýningunni voru: Valur Freyr Einarsson - Baldur Snær Þórunn Lárusdóttir - Auður Eggert Þorleifsson - Markús Hera Björk Þórhallsdóttir - Ellen Selma Björnsdóttir - Ellý Jóhanna Vigdís Arnardóttir - Ellý (tók við af Selmu Björnsdóttur) Regína Ósk Óskarsdóttir - Ella Stefán Karl Stefánsson - Broddi sadó tannlæknir, og allir aðrir. Hann lék einnig Auði II (röddina) í nokkrum sýningum.[4] Ásbjörn Morthens - Plantan Auður II (Röddin) Ari Matthíasson - Plantan Auður II (Hreyfingar) Hljómsveit sýningarinnar skipuðu: Jón Ólafsson (Hljómborð og tónlistarstjóri), Karl Olgeirsson (Hljómborð), Jón Elvar Hafsteinsson (Gítar), Friðrik Sturluson (Bassi), Jóhann Hjörleifsson (Trommur, slagverk).

Musicians

	Leikfélag Reykjavíkur , album by
	Megas voc, *1945 IS lyrics by

Composers

ArtistInfo App

Acknowledgements

ArtistInfo for Mac, iPad, and iPhone