ArtistInfo

Litróf Og Svavar Knútur
Syngur Af Hjarta Englahjörð

Album IS 2009 on Fella- Og Hólakirkja label
World

Geisladiskurinn „Syngur af hjarta englahjörð“ er afrakstur af starfi listasmiðjunnar Litrófs í Fella- og Hólakirkju sem nú er að hefja sitt þriðja starfsár (1999). Hann er að mestu tekinn upp í Fella- og Hólakirkju. Öll lögin, nema eitt, eru íslensk, frumsamin jólalög, og er tónlistarflutningur og upptaka í höndum íslenskra og erlendra tónlistarmanna sem starfa hér á landi. Gestasöngvari á diskinum er trúbadorinn Svavar Knútur en hann hefur fengið mikið lof fyrir sína einlægu og fallegu tónlist. Listrænn stjórnandi geisladisksins er Hilmar Örn Agnarsson. Hann hefur mikla reynslu af barnakórsstarfi. Mikil þörf er fyrir íslensk lög fyrir barnakóra og sönghópa, bæði á vegum skóla og kirkju, sem og í ýmiss konar félagsstarfi fyrir börn og unglinga. Vonir standa til að þessi geisladiskur með nýjum íslenskum jólalögum, sem höfða sérstaklega til barna og unglinga, verði gott framlag til íslenskrar tónlistarhefðar. Litróf Listasmiðjan Litróf tók til starfa haustið 2007 en hún er hluti af þróunarstarfi kirkjunnar með innflytjendum. Nafnið Litróf vísar til fjölbreytileika mannlífsins. Litróf er listasmiðja fyrir börn frá átta ára aldri, íslensk og af erlendu bergi brotin. Helstu viðfangsefni Litrófs eru tónlist, dans, listræn hreyfing og önnur listsköpun. Markmiðið er að skapa jákvæðan vettvang fyrir börn þar sem þau geta tekið þátt í þroskandi verkefnum í góðu umhverfi undir stjórn fagfólks kirkjunnar. Æfingar eru vikulega í kirkjunni og auk þess er farið út fyrir borgina í æfingabúðir eina eða tvær helgar á vetri. Þess er gætt að sýna börnunum hvatningu og umhyggju. Börnin í Litrófi koma reglulega fram og kynna þannig afrakstur starfsins. Listasmiðjan Litróf laðar fram og byggir upp félagsauð og hæfileika sem börn búa yfir. Það skiptir miklu máli í fjölmenningarlegu samfélagi að mæta hverjum einstaklingi með virðingu. Kirkjan vill með þessu starfi leggja sitt af mörkum til þessa. Ragnhildur Ásgeirsdóttir, djákni Fella- og Hólakirkju, ber ábyrgð á starfi Listasmiðjunnar Litrófs. Auk hennar taka Guðný Einarsdóttir, organisti kirkjunnar, og Heiðrún Guðvarðardóttir þátt í starfinu. Foreldrar leggja listasmiðjunni lið og styðja við starfsemina. Þá hafa fjölmargar stofnanir og félagasamtök stutt listasmiðjuna með fjárframlögum. Ragnhildur Ásgeirsdóttir · 17/11 2009

Musicians

	Litróf , album by
	Svavar Knútur voc, IS vocals, album by

ArtistInfo App

Acknowledgements

ArtistInfo for Mac, iPad, and iPhone