ArtistInfo

Magnús Þór Sigmundsson
Hljóð Er Nóttin

Album IS 2005 on Steinsnar label
Pop, Folk, World and (Vocal)

The album Hljóð er nóttin with Magnús Þór Sigmundsson. The album was released in 2005 by Steinsnar. Geisladiskur Magnúsar Þórs Sigmundssonar. Lögin eru öll eftir Magnús Þór en textarnir eru eftir Magnús Þór, Vilhjálm Vilhjálmsson, H.V., Sigurð Nordal, Michael Dennis, Stefán Hilmarsson, Barry Rolfe og Margréti Jónasdóttur. Um upptökustjórn og útsetningar sá Magnús Þór ásamt Jóni Ólafssyni. Um upptökur sáu Addi 800, Haffi Tempó og Baldvin AB Aalen. Addi 800, Jón Ólafsson og Magnús Þór sáu um hljóðblöndun. Upptökur og hljóðblöndun fóru fram í Sýrlandi, Hljóðrita og Eyranu. Steinsnar gefur út. MAGNÚS Þór Sigmundsson er hér á ferð með áður útgefin frumsamin lög í nýjum búningi, auk þess sem nokkur ný hafa fengið að slæðast með. Platan er öll mjög lágstemmd og einkennist af vönduðum og einföldum flutningi. Magnús tekur mörg af sínum vinsælustu lögum. Sem dæmi má nefna "Ísland er land þitt", "Álfar", "Ást við fyrstu sýn" og "Blue Jean Queen". Söngurinn er ekki það sem hlustendur eiga að venjast frá Magnúsi. Hann er djúpur og hljómar eins og söngur fullorðins manns sem hefur lifað og reynt ýmislegt. Hann er einlægur og ljúfsár og minnir stundum á Tom Waits. Textarnir fjalla um ástina og útsetningarnar henta viðfangsefninu afskaplega vel. Það er eins og ljóðin fái nýja merkingu. Gítarleikur Magnúsar er líka mjög fallegur. Lagið "Ást við fyrstu sýn" er gott dæmi um þetta, það er eins og það hafi alltaf átt að vera svona rólegt og einlægt. Honum tekst að snerta viðkvæma strengi á þessari plötu. Mér þykir það vera eitt af því stórkostlegasta sem tónlistarmaður getur gert - að vekja tilfinningar. Það eru viðbrigði að heyra "Ísland er land þitt" í þeirri útgáfu sem það kemur fyrir í hér. Lagið hljómar eins og draugur fyrri útgáfu en er alls ekki síðra, það fær djúpa og innilega merkingu á nýjan hátt. Helga Þórey Jónsdóttir https://www.mbl.is/greinasafn/grein/1057034/

Musicians

Magnús Þór Sigmundsson , album by

ArtistInfo App

Acknowledgements

ArtistInfo for Mac, iPad, and iPhone